Waligsufsunntig
05.07.2019 VorschauRichtig heiss isch di Taga gsy u e huffe guets Hüw isch am Schärme. Perfekt, für a erscht Sufsunntig vor Saison chlei ga uslüfte. Dr Waligsufsunntig findet am 7. Juli statt.
D Bärgpredigt fat am 10.30 Uhr ber Familie Perreten a. Aschliessend spile d «Sulzbuebe» Louene zum Tanz uf u dr Jodlerklub Gsteig nimmt e par schöni Lieder u Jütz. D Meischterchueh fehlt natürlich o net. Für e Durst u Hunger isch gsorget, gniesset ufem schöne Feschtplatz mit der wunderschöne Ussicht über ds Sanneland öpis gluschtigs us ünserer Chuchi. O ds Trechlerstübli isch weder offe.
Ds Ticket vor Barriere cha bem Servicepersonal gegenes Getränk yglöst wärde. Dr Suufsunntig findet be jedem Wetter statt.
Uf veli Bsuecher gfröwt sich dr Trechlerklub Gsteig.
TRECHLERKLUB GSTEIG/DAVID PERRETEN