I bi der Coronavirus, im ganze Land bekannt, bi früeher e normali Grippe gsy, jetz bini e Vagant. Bi zfriede, weni i mim Huus ellei mis Schnäppsli ha – de stecki niemer – niemer a, u das isch wahr, ja, ja. Refrain: De stecki niemer, niemer a – u das isch wahr, ja, ja.

U gani de doch mal va Huus, de springe d Lüt grad wäg, d Händ schüttle oder es Küssli gäh, nei – d Lüt si nimme nätt. I hoffe, dass i bald cha gah, süsch blibt di Wält no schtah – keiner Aläss u kei Party meh, das tuet so weh, o jee. Refrain: Keiner Aläss u kei Party meh, das tuet so weh, o jee.

U tueni de das Land verlah, tüe d Mänsche zämeschtah. Si brichte: Hei! Heit ihrs o khört – Corona isch nimme da? Chemet hie u chemet da, wier wei es Feschtli ha; wir gsunde u wir nätte Lüt weis doch jetz fröhlich ha. Refrain: Wir gsunde u wir nätte Lüt weis doch jetz fröhlich ha! Gute Gesundheit.

ERIKA ZUMBRUNNEN, SAANEN