E speziella Früehlig mit e huffe Yschränkige dür das cheibe Coronavirus ligt hinter üns.

Langsam wird jetze alz wieder chlei normaler, so hei wier beschlosse, ünsa schön Waligsufsunntig im gwohnte Rahme dürhidsfüere. Jeda Gascht wird aber verpflichtet, sina Name, Adrässe u Telefonnummero dz hinterlege. Witer bitte wier, dass nume Gäscht, wo wäder Hueschte no Fieber hei, ünsa Alass bsueche.

D Bärgpredigt mit Toufi faht am 10.30 Uhr ber Familie Perreten a, allerdings nume bi guetem Wätter, süsch isch d Predigt ir Gsteigchilche.

Aschliessend spiele d «Örgelifründe Aegelsee» zum Tanz uf u dr Jodlerklub Louene nimmt e par schöni Lieder u Jütz. D Meisterchueh fehlt natürlich o net. Für e Durscht u Hunger isch gsorget, gniesset ufem schöne Feschtplatz mit der wunderschöne Ussicht über ds Sanneland öpis Gluschtigs us ünserer Chuchi. O zTrechlerstübli isch weder offe.

Ds Ticket vor Barriere cha bem Servicepersonal gegenes Getränk yglöst wärde.

Dr Sufsunntig findet be jedem Wetter statt.

Uf veli Bsuecher gfröwt sich dr Trechlerklub Gsteig.

DAVID PERRETEN