Dr Summer isch da, d Chüeh gniesse ne uf de Bärge u so fah d Sufsunntiga an.

Ufem Vordere Walig, Gsteig, findet am Sunntig, 5. Juli, dr Sufsunntig statt. D Bärgpredigt mit Toufeni faht am 10.30 Uhr ber Familie Perreten a. Aschliessend gits Tanz u Unterhaltig ufem schöne Feschtplatz mit em Trio «Sunneblueme» u em Gruebechörli. U derzue chönnt dr öpis feins us ünser Chuchi gniesse. Natürlich fehlt d Meischterchueh o net. Die chunnt apa so um die halbe Viere.

Ds Ticket vor Barriere cha bem Servicepersonal gegenes Getränk yglöst wärde. Dr Sufsunntig findet be jedem Wetter statt.

Uf veli Bsuechendi gfröwt sich dr

TRECHLERKLUB GSTEIG/CORNELIA SCHALLENBERG