Am Samschtig, 11. Juli, fi ndet ds Spilplatzfescht Saanenmöser statt.

Liebi Chind, juheee, mir fröiä üns wälts, öich am nächschte Samschtig wider i dr Möser a ünsem coole Spilplatzfescht z gseh.

Grill u Salat vom Buffet gits da z ässe, natürlich hei mir bi däm wunderschöne Wätter dr Glacewage o nid vergässe.

Äs cools Programm mit dr Füürwehr, Gumpischloss, Hindernisparcours u Märlieggä erwartet öich a däm super Fescht. U, liebi Chind, wüsster scho dr Bescht? Das Jahr bi üns am Start isch dr Ueli Schmezer mit sym «Kinderland» fürnes super cools Konzärt parat.

Mir fröiä üns, mit öich zämä dä Tag voller Fröid z erläbä, u wettes nid verpasse, no grad dankä z sägä – ünsnä freiwillige Hälfer, wo ging alles gäbä.

Und de grosszügige Sponsore, ohni die würdis o nid ga, so guet z ässe u Stargescht bi üns ufem Spilplatz Saanemöser z ha.

Drum, fröi di o u chumm verbi, äs wird ä wunderschöne Namittag sy. (Inserat folgt)

MÖSNER KINDERPROGRAMM